شو غيّر الاحوال !
صارت حوال الناس اشبه بالعجب
وصار الوفا ينقاس بالكلمة كذب
معقول هيك يصير بحوال الدني
شهرت كذب وسواس والحق انحجب!
شو غيّر الاحوال والفاسد جني
غلة حسد طماع يحسبها ذهب
شو غير الاحوال و الماكر دٓني
لقمة خبز تنباع معجنها غصب
كنا بزمان العز عهد الولدني
بالعون كنا نشيد ببيوت القصب
الوزال عطر الروح سقف المغتني
صار القصب موال لجروح العتب
بطرت عيون البعض ما عاد الهني
يدفى بنعمة رب موقدتو حطب
ولا عاد هم البعد يبكيها سنة
والموت كمش تراب يشكي بالنحب
صلوا معي بالقلب بالفكر ال عِني
ترجع صفايا الروح لبلاد الوجب
و يعود يهنى العيش ويعيش الفني
طرحة كفان المجد نلبسها طرب
لا نوم ينفع يوم و لاسهرة غني
صوت الفرح مكتوم بالذات انقطب
ولا بالمظاهر شيم و لازينة سٓني
قلب النقي والروح عالمسخرة مجروح
بتفنى الدني و تروح وبيبقى الأرب
رامز عيد
23/02/2017
فائق احترامي و وافر تقديري و امتناني لمجلة المدى على توثيق شعري المتواضع في صرحها العريق و اخص بالشكر و التقدير الدكتور Thair AL Samrraie
ردحذف